序幕

12天的北海道晒晒晒月光寶盒之旅終於在30 Aug展開序幕，乘撘茄菲貓航空CX580號班機從香港出發到札幌新千歲機場。這次旅程有點特別，來回都是小奴單獨飛行，因為兩位旅伴已經係30 Aug零晨時分出發，而且是次飛行亦是小奴平生第一次坐business class，十足十大鄉里出城，見到個位咁寬敞真係開心到不得了，隨後空中服務員已經開始serve 香檳和果汁和nuts，個飛機餐更加令人意外，竟然分有頭盤、主菜、芝士／水果、雪糕和tea or coffee，食到好飽飽，再煲埋套功夫熊貓，跟住訓個靚覺，養足精神準備落機。幸好出發前約好菲菲係JR站等，因為預先準備好的三張電話咭全部失效，見面後即刻食左舊芝士餅，超好味，我番香港時係機場都有買番盒番去慢慢嘆。 見到面後立即進行一連串販家攻略，晚上到拉面共和國的梅光軒食碗旭川拉面。

富田農場@富良野

遊人必到的富田農場，不必多作介紹，廣為遊人所熟識，就好像去到富良野而無去富田農場的話，就等於無去過富良野一樣，不經不覺已變成了富良野的地標。由於季節的關係，我地去到已經看不見薰衣草，但係見到塊薰衣草田，我相信當薰衣草盛開得最燦爛的一刻，整個畫面一定會好靚，想像一下成個山頭都變成紫色，幾咁浪漫，何等壯麗。天氣又晒又熱，又無薰衣草睇，唯有食杯薰衣草味雪糕~~好香的花味~~然後買下D薰衣草味手信啦，呵呵呵～又係買野

富良野之夜

在富良野當晚，我們選擇了下榻Natralux Hotel，地點不但適中，非常之近JR，而且間酒店超新超型仔，晚餐走左去食妖膳，亦即是超好味的和牛刺身飯＋和牛shabu shabu，基本上我係香港係唔會食生牛肉，不過去到北海道，唔知點解又會想試，食完之後確實令人回味無窮，富良野市有間叫做Homac的超大型supermarket，乜都有得賣，第一時間碌去pet果條巷，樣樣俱全，應有盡有，販完一輪，途經另一間超大型DVD舖，入面有一半係放置出租或售賣的DVD和CD，另有一邊放置漫畫書和各類型雜誌，我地ge第一本岩石光召攝影集就係呢樹發現，因為佢得一本存貨，所以一番到酒店拿拿聲上樂天網訂多幾本（點解帶電腦，咪就係咁用架羅），最後連小型街坊超市都唔放過，又入去行一輪，出發前兩手fing fing ，回程時一人一大袋，好得人驚丫!!第一日已經要動用個手信袋啦!! 回到酒店，除左好忙咁係樂天網訂書之外，仲忙住切個密瓜，呢把刀仔．．．真係好仔下，至於個瓜真係甜甜甜甜甜甜，北海道的天氣同泥土真係好神奇，可以種到咁甜的瓜、菜、玉米、薯仔、米、洋蔥等等，養到咁健康ge 牛、羊，攪到我好想移民去北海道喔

芝士工房@富良野

芝士工房，顧名思義是一個製造芝士和牛油的工場，在館內除了是小型展覽館，商店，餐廳，遊人還可以一嚐親手制造牛油的體驗，館外是一片草地，放置著一輛已停用的舊式工作車，在不遠處有個叫做丘之寫真館，兩館之隔是一個墳場。由JR富良野駅乖的士到達，只需10分鐘左右，十分方便。

旭山動物園@旭川

進入旭山動物園，第一個感覺就好似入了中環的動植物公園，當你一路行一路見到好多另類動物，比如北極熊，企鵝呢類應該屬於冰天雪地的動物，你便會好有興趣想繼續走完全其他館，睇下有無其他平時無乜機會見到的動物，我個人仍為，這裡應該可以消磨一個上午，慢慢行下影下相，食下坐下飲下野，可惜時間所限，要趕去撘巴士上層雲峽，結果來去沖沖，當日我們只逗留了短短2小時，真係覺得唔係幾夠喉，有幾個展館都無去，好似狼館咁，有點浪費了張入場券，下次可以放多點時間在此處。