層雲閣温泉酒店@旭川層雲峽

為左趕撘巴士上層雲峽，所以係旭山動物園只逗留了大約2小時便急急腳走人，不過好在走得快，巴士未去到上川駅個天色已經黑齊，還下起雨來，窗外伸手不見五指，到逹層雲峽，大家拉住個行禮霧雨衝上的士，噗！！真係幾攪笑，個咪標都無跳過就到左酒店，不過大家都覺得呢550 yen 好抵，因為係一條大斜坡，check-in完上房放低行禮，就落去食dinner，dinner 屬buffet形式，味道一般，勝在夠多款式，最好味係燒牛肉，食左3次，因為唔好意思一次過攞幾碟，所以要行幾次，咭咭咭～下午dum完雨，浸番個熱騰騰的溫泉浴，超爽。我都係鍾情於和式房間，睡榻榻米我覺得好舒服唔使驚碌落床。

由於第一日上到酒店已經天黑和下雨，所以第二天特意早點起床出去外面行下影相，剛起床時發現成個山被大霧濃罩住，但過左一陣，個天變得好清好藍，北海道的天氣就係咁，一天之內可以經歷四季的變化，如果到了正秋天，成個山會變成紅色，應該會係賞楓葉的好地方，影完相，一早又要拉住行禮趕車出發去網走lu。臨走還見到一輛Harley-Davidson，駕駛者係一位上了年紀的伯伯。