感動朝市@網走

臨離開網走之前，一早起床出發到感動朝市，朝市位於碼頭附近，營業時間為7:30am - 8:15am，只要前一日跟酒店前台職員預定好人數和買定飛，當日早上就會有專車係酒店門口接送，其實朝市是由鐵皮屋撘建，場內有乾貨和濕貨的小檔灘，有飯堂，遊人可以自行選購心儀貨品，好似跳蚤市場，不過貨品清一色以海鮮為主。感動朝市，名副其實，食完令人有份好感動的感覺，一日的行程由一碗新鮮美味的魚生飯開始，加一碗熱蟹湯，好幸福呢。念都未念過晨早流流七點半mark大眼就啪碗咁美味的食魚生飯，唔止新鮮的魚生，仲有炭燒北寄貝，燒蠔，燒魷魚，仲有仲有．．．香港唔會食到ge新鮮八角魚刺生．．．．好正丫，食落口個感覺有D吞拿魚feel，但係比吞拿魚肥美，好特別，價錢又唔貴，物超所值，好彩好彩最後決定食，錯過左就真係大損失啦，(原本念住去到小樽先食，點知係南小樽買野買到迷失本性，只係係LeTao嘆左件cheese cake + 杯冬coffee)，一頓咁豐富又感動的早餐由一杯雪糕作句號。幸福的感覺就係咁簡單，只要食到好味的食物，人便會滿足起來，精精神神出發到下一個行程。