北海酒店之為食編@網走

在網走，兩晚亦是住同一酒店，酒店的外觀和陳設比效簡陋陳舊，和式的睡房是不設空調，得把電風扇，半夜係熱醒，幸好還有公衆浴室和自助洗衣場，建議使用公衆浴室，因為房內浴室不堪入目。最值得一題，便是在酒店預訂的晚膳，確實令人難忘，每餐都十分非常豐富，第一晚食蟹餐，第二晚食魚餐，我個人覺得個魚餐好味D，條魚好正，而招呼我地的大嬸英文水平簡直超水準，完全可以溝通，可惜是味道不能帶走，只能帶走的只有回憶和照片，睇番D相令人好回味丫，好想再食，食完晚飯出外走走散步去，方圓百里，莫講話舖頭，人影都唔多隻，離遠望到間唔知係7仔or Lawson，二話不說就朝著果個方向進發，荒蕪到呢。。。途經一間食燒肉的舖，本打算如果第二晚的魚餐唔好食，就去呢間燒肉食宵夜，結果唔使講啦，第二晚的魚餐超好味，飲埋啤酒食到飽飽，無緣食燒肉啦，入到唔知7仔or Lawson，買左幾杯布甸番酒店慢慢嘆，好好味丫～之後晚晚都心思思食布甸～噗！總括黎講，除了入冬後你想坐破船，否則無需在網走留宿，應該改住知床心較合適。